АЛМАТЫ. KAZINFORM – Алматыға қар түсті. Бүгін, 1 қазанда Алматыда күн бұлтты әрі жаңбырлы болды, ал қаланың тау бөктеріне қар жауды.
Қала тұрғындары әлеуметтік желілерде Медеу, Көктөбе және тауға жақын аудандардан түсірілген видеоларды бөлісіп жатыр. Онда тау беткейлерін қар жапқанын көруге болады.
Синоптиктердің мәліметінше, бүгін Алматыда ауа температурасы +6…+7 градусқа дейін төмендеген.
Қала тұрғындарына 2 қазанда да нөсер жаңбыр жауатыны туралы хабарлама келді.
Еске салайық, 2024 жылы Алматыда алғашқы қар 16 қазанда жауған еді.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.