Алматыда қыркүйек айынан бастап кезекші ХҚКО-лар ауысады

АЛМАТЫ. KAZINFORM – Алматыда қыркүйек айынан бастап екі кезекші ХҚКО және екі мамандандырылған ХҚКО жұмыс істейді. 

«Азаматтарға арналған үкімет» мемлекеттік корпорациясы Алматы филиалының мәліметінше, 2-қыркүйектен бастап Серіков, 6А мекенжайы бойынша орналасқан Жетісу аудандық халыққа қызмет көрсету орталығы және Марков көшесі, 44 мекенжайындағы Медеу аудандық халыққа қызмет көрсету орталығы азаматтарды жұмыс күндері 9:00 – 20:00 аралығында, ал сенбі күндері 13:00-ге дейін қабылдайды.

Ал кезекші мамандандырылған халыққа қызмет көрсету орталықтары: «Саялы» шағын ауданы, Аққайнар көшесі, 1 және «Кемел» шағын ауданы, Ақсуат көшесі, 118 мекенжайында орналасқан. Аталған орталықтар жұмыс күндері сағат 9.00 – 20.00-ге дейін түскі үзіліссіз қызмет алушыларды қабылдайды. 

– Мемлекеттік қызмет көрсетуге өтініш қабылдау уақыты жұмыс күндері 18:00-ге дейін. Ал сенбі күні 9:00-ден 12:00-ге дейін өтініш қабылдап, 13.00-ге дейін дайын құжаттарды береді, - деп хабарлады Алматы филиалы. 

Қаланың қалған ХҚКО-лары әдеттегі кесте бойынша дүйсенбі мен жұма аралығында 9:00-ден 18:00-ге дейін жұмыс істейді. 

Еске салайық, бұған дейін Алматы ХҚКО-ларында ең танымал қызмет түрлері қандай екенін жазғанбыз.