АЛМАТЫ. KAZINFORM – «Көктөбе» телемұнарасын осы жылдың мамыр-маусым айларында сәулеттік жарықтандырумен жабдықтау жоспарда. Бұл туралы қала басшысы Ерболат Досаев Медеу ауданының тұрғындарымен кездесу барысында хабарлады.
«2023 жылдың қараша айында қала символының бірі – «Көктөбе» телемұнарасының сәулеттік-көркемдік жарықтандыруын жобалау бойынша дайындық жұмыстары басталды. Құрылыс-монтаж жұмыстарын биыл мамыр-маусым айларында аяқтау жоспарланып отыр», - деді Ерболат Досаев.
Бұған дейін аудан әкімі Еркебұлан Оразалин телемұнара 2024 жылы жарықтандырылатынын айтқан еді.
Кейбір бұқаралық ақпарат құралдарының хабарлауынша, телемұнараны жарықпен жабдықтау жобасы 1,2 млрд теңгеге бағаланып отыр.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.