Оның видеосы әлеуметтік желіде тарап жатыр. Қалалық Төтенше жағдайлар департаментінің мәліметінше, ағаш Желтоқсан мен Мақатаев көшелерінің қиылысында құлаған.
«Алмалы ауданында Желтоқсан мен Мақатаев көшесінің қиылысында алып ағаш «Honda CR-V» көлігінің үстіне құлаған. Бір көшенің қозғалысын тежеп қалған ағашты жолдан алып тастауға қала әкімдігінің «109» құтқару қызметкерлері жұмылдырылды. Құрбандар мен зардап шеккендер жоқ», - деп хабарлады департаменттен.
Бұған дейін Алматы тұрғындарына қатты жаңбыр мен желге байланысты ескерту жарияланған болатын.
«22 қыркүйекте күндіз Алматыда қатты жауын-шашын күтіледі. Осыған байланысты, көлік жүргізушілері жылдамдықты төмендетіп, авариялық шамдарды қосыңыз немесе нөсердің тоқтағанын күтіңіз»,- делінген хабарламада.