«Азаматтарға арналған үкімет» мемлекеттік корпорациясы Тәуелсіздік күніне орай Алматыдағы халыққа қызмет көрсету орталықтары мен мамандандырылған ХҚО-лар 16 желтоқсанда жұмыс істемейтінін мәлім етті, деп хабарлайды Kazinform.
«18 желтоқсан сағат 9:00-ден 13:00-ге дейін азаматтарды тек кезекші ХҚО-лар ғана қабылдайды. 19 желтоқсаннан бастап мемлекеттік корпорация әдеттегі кесте бойынша жұмыс істейтін болады» делінген хабарландыруда.
Естеріңізге сала кетейік, орталықтар азаматтарды жұмыс күндері сағат 9:00-18:00 аралығында қабылдайды.
Кезекші ХҚО-лар дүйсенбі мен жұма аралығында 9:00-ден 20:00-ге дейін және сенбі күндері сағат 9:00-ден 13:00-ге дейін жұмыс істейді.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.