Алматыда наурыздан бастап кезекші ХҚКО-лар ауысады

АЛМАТЫ. KAZINFORM — «Азаматтарға арналған үкімет» мемлекеттік корпорациясының Алматы филиалы наурыздан бастап кестеге сәйкес қалада үш кезекші халыққа қызмет көрсету орталығы болатынын хабарлады.

Олар: Нұркент ықшамауданы, 5/17 мекенжайындағы Алатау аудандық ХҚКО, Бөгенбай батыр көшесі, 221 мекенжайында орналасқан Алмалы аудандық ХҚКО және «Алмагүл» шағын ауданы, Ходжанова көшесі, 9а мекенжайы бойынша орналасқан Бостандық аудандық ХҚКО. Бұл орталықтар азаматтарды 9:00 — 20:00 аралығында, ал сенбі күндері 13:00–ге дейін қабылдайтын болады. 

Сондай-ақ азаматтарды Аққайнар көшесі, 1 және Ақсуат көшесі, 118 мекенжайы бойынша орналасқан екі мамандандырылған халыққа қызмет көрсету орталығы қабылдайды.

Қаланың қалған ХҚКО-лары әдеттегі кесте бойынша дүйсенбі мен жұма аралығында 9:00–ден 18:00–ге дейін жұмыс істейді.

Еске салайық, кезекші халыққа қызмет көрсету орталықтары 3 ай сайын ауысып отырады.

Бұған дейін былтыр елімізде 123 651 жұп некелесіп, 40 647-сі ажырасқанын жазғанбыз.