Алматы оқушылары ауа райының қолайсыздығына байланысты қашықтан оқиды. Бұл туралы қаланың Білім басқармасы мәлім етті, деп хабарлайды Kazinform.
Қазгидромет ұсынған ресми ақпаратқа сәйкес, Алматыда 13-14 желтоқсанында күн күрт суиды. Түнде 25-27 градусқа дейін аяз болады.
«Осыған орай 13-14 желтоқсанда 0,1-9 сынып оқушылары қашықтан оқытуды ұсыну жөніндегі талаптар мен ережелерге сәйкес қашықтан оқыту форматына көшеді»,- деп хабарлады басқармадан.
Айта кетейік, кеше түнде басталған қар әлі тоқтаусыз жауып тұр.
Сондай-ақ тәртіп сақшылары жүргізушілер мен жаяу жүргіншілерге үндеу жасады.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.