АЛМАТЫ. KAZINFORM — Алматыда жөндеу жұмыстарына байланысты Оңғарсынова көшесінің бір бөлігі уақытша жабылады
Атап айтқанда, 12 қараша сағат 13:00–ден 13 қараша сағат 23:00–ге дейін Мөңке би көшесінен Т. Рысқұлов даңғылы аралығындағы жол аймағы жабылады.
Алматы әкімдігінің мәліметінше, жөндеу жүргізілетін учаскеде ескерту белгілері, мердігер ұйым басшысының байланыс деректері көрсетілген тақтайшалар орнатылады.
— Маршрутыңызды алдын ала жоспарлауды сұраймыз, — делінген хабарламада.
Еске салайық, бұған дейін Алматының Желтоқсан көшесімен екі бағытта жаңа автобус бағыттары жүретінін хабарлағанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.