Алматыда Пушкин көшесінің бір бөлігі бес күн бойы жабық болады
АСТАНА. KAZINFORM – Алматыда 26 тамыз сағат 9:00-ден 30 тамыз сағат 19:00-ге дейін Пушкин көшесінде Райымбек даңғылынан Тоқмақ көшесіне дейінгі аралықта оңтүстік бағытта көлік қозғалысы уақытша шектеледі, деп хабарлайды «Алматы жылу желілері» ЖШС.
Фото: Алматы әкімдігі
Шектеу 1986 жылы пайдалануға берілген магистральдық жылу құбыры учаскесінде жөндеу жұмыстары жүргізіліп жатқандықтан енгізілді. Бұл шара алдағы жылу маусымына дайындық аясында атқарылып жатыр.
Фото: Алматы әкімдігі
Компания қала тұрғындарынан уақытша қолайсыздықтарға түсіністікпен қарауды сұрайды.
Айта кетейік, Алматыда Пушкин көшесінің бөлігі жаяу жүргіншілер аллеясына айналады.
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.