Мерекелік бағдарлама аясында концерт, музей және кітап көрмесі, дөңгелек үстел, спорттық жарыс, зияткерлік ойын, байқау, танымал тұлғалармен кездесу, флешмоб пен жастар акциясы өтеді. Сондай-ақ «Таза Қазақстан» республикалық акциясы аясында сенбілік өткізу жоспарланған.
23 қазанда Республика сарайында Республика күніне арналған мерекелік концерт өтеді. Сол күні 18:30-да «Алатау» дәстүрлі өнер театрында «Егемен ел – еңселі ел» концерті ұйымдастырылады.
25 қазанда «Медеу» спорт кешенінде Мемлекеттік Туды көтеру рәсімі өтеді.
Сол күні сағат 17:00-ден 21:30-ға дейін Абай алаңында танымал өнерпаздардың қатысуымен ашық аспан астында мерекелік концерт өтеді.
10–25 қазан аралығында кітап оқуға деген қызығушылықты арттыруға бағытталған жалпықалалық «Оқитын ұлт – озық ұлт» акциясы өтіп жатыр.
20–25 қазан аралығында Мемлекеттік академиялық қуыршақ театрында Республика күніне орай IV Халықаралық «Almaty Puppet Festival – 2026» қуыршақ театрлары фестивалі өтеді.
Алмалы ауданы
22 қазан, сағат 15:00 – Құрманғазы атындағы Қазақұлттық халық аспаптар оркестрінде мерекелік концерт.
Түрксіб ауданы
22 қазан, сағат 15:00 – №6 Оқушылар үйінде концерт.
Әуезов ауданы
22 қазан, сағат 15:00 – «Нархоз» университетінде мерекелік іс-шара.
Наурызбай ауданы
22 қазан, сағат 14:30 – Оқушылардың инновациялық шығармашылық орталығында концерттік бағдарлама.
Жетісу ауданы
23 қазан, сағат 11:00 – Мәдениет үйінде мерекелік іс-шара (Кемел шағынауданы, Есім хан көшесі, 127).
Медеуауданы
23 қазан, сағат 12:00 – Жамбыл атындағы Қазақ мемлекеттік филармониясында салтанатты концерт.
Бостандықауданы
23 қазан – Satbayev University-де концерттік бағдарлама.
Алатау ауданы
24 қазан, сағат 18:00 – «Алатау» дәстүрлі өнер театрында мерекелік концерт.
Сонымен қатар Республика күніне арналған іс-шаралар Алматы қаласының Жұмыспен қамту және әлеуметтік бағдарламалар басқармасына қарасты әлеуметтік орталықтарда да ұйымдастырылады. Қызмет алушылар үшін концерттік және ойын-сауық бағдарламалары әзірленген.
Еске салайық, Республика күні қарсаңында «Кітап оқитын ұлт» жобасының әнұраны таныстырылған еді.