Алматыда субұрқақтар маусымы ашылды
20:38, 01 Мамыр 2024
АЛМАТЫ. KAZINFORM - Алматыда Қазақстан халқының бірлігі күні субұрқақтар іске қосылды.Оңтүстік астанада 60 фонтан іске қосылды.
Жалпы, мегаполисте 130-ға жуық фонтан бар, оның 66-і қала меншігінде.
Алматы әкімдігінің мәліметінше, қазір алты субұрқақ жаңартылып жатыр.
«Одуванчик», «Аққу», «Қызғалдақ» субұрқақтары мен Орталық мемлекеттік мұражайы, әл-Фараби атындағы ҚазҰУ және Әуезов атындағы Қазақ ұлттық академиялық драма театры алдындағы фонтандарға жөндеу жұмыстары жүріп жатыр»,- деп хабарлады қалалық әкімдіктен.
Қаладағы барлық фонтандар 1 мамырдан бастап таңғы сағат 8-ден түнгі 23: 00-ге дейін қосулы тұрады.
Әрбір фонтанда қауіпсіздікті сақтау мақсатында шомылуға болмайтыны туралы тақтайшалар орнатылған.