Алматыда тоқ соққан кішкентай қыздың жағдайы белгілі болды

АЛМАТЫ. KAZINFORM — Алматыда тұрғын үй ауласында баланы тоқ соқты. 

Алматы қаласы Қоғамдық денсаулық сақтау басқармасының мәліметінше, зардап шеккен қыз Балаларға шұғыл медициналық көмек көрсету орталығына жеткізілген. Қазір жағдайы орташа ауырлықта.

— Бала әуелде реанимация және қарқынды терапия бөліміне жатқызылды. Кейін бейінді күйік бөліміне ауыстырылды. Жағдайы орташа ауырлықта, тұрақты. Қазақстан Республикасы Денсаулық сақтау министрлігінің хаттамасына сәйкес толық көлемде ем қабылдап жатыр, — делінген басқарма жауабында.

Еске салайық, бұл дерек бойынша Әуезов ауданына қарасты полиция бөлімі тексеру жүргізіліп жатыр.