Алматыда жоғалып кеткен 64 жастағы спортшы Серік Нұрқазов аман-есен табылды, деп хабарлайды Kazinform.
«1959 жылы туған С.Нұрқазов аман-есен табылып, туыстарына тапсырылды. Бұрын хабарланғандай, із-түзсіз жоғалған азаматтың мекен-жайын анықтау үшін арнайы іздеу тобы құрылған еді», - деп хабарлады Алматы қалалық Полиция департаментінің баспасөз қызметі.
Спортшының қайда жүргені туралы айтылмаған.
Бұған дейін белгілі боксшы 14 желтоқсанда үйінен белгісіз бағытқа шығып, қайта оралмағаны туралы жазған болатынбыз.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.