АЛМАТЫ. KAZINFORM – Алматыда сот шешімімен Рысқұлов даңғылы, 420 мекенжайында орналасқан «Үміт» базары бұзылып жатыр. Бұл туралы Алматының қала құрылысын бақылау басқармасының өкілдері айтты.
Фото: Алматы әкімдігі
Бұған дейін жоспардан тыс тексеру барысында меншік иесіне тиісті құжаттарының болмауына байланысты әкімшілік шаралар қолданылып, анықталған заңбұзушылықтарды жою жөнінде нұсқама берілген.
Фото: Алматы әкімдігі
– 2025 жылғы 22 шілдеде басқарма аталған нысанды бұзу туралы талап-арызды Алматының мамандандырылған ауданаралық экономикалық сотына жолдады. 2025 жылғы 27 тамызда сот басқарманың талабын қанағаттандырды, - делінген хабарламада.
Сот шешімін орындау аясында меншік иесі ғимаратты өз еркімен бұзуды бастады.
Фото: Алматы әкімдігі
Еске салайық, бұған дейін Алматыда заңсыз салынған екі қабатты ғимарат бұзылып жатқанын хабарлаған едік.
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.