Алматы қаласы Сәулет және қала құрылысы басқармасының мәліметінше, сыртқы көрнекі жарнаманы орналастыру қағидаларына сәйкес келмейтін, заңсыз орнатылған құрылымдарға мониторинг жүргізіліп жатыр. Мұндай нысандардың иелеріне заң бұзушылықтарды жою қажеттігі туралы хабарлама жіберіледі.
Белгіленген талаптар орындалмаған жағдайда жарнама құрылымдары алынып тасталады.
- Қаланың сәулеттік келбетіне нұқсан келтіріп, көшелердің көркін бұзатын, сондай-ақ жүргіншілер мен көлік қозғалысының қауіпсіздігіне кедергі келтіретін нысандарға баса назар аударылады. Бұл бағыттағы жұмыс тұрақты түрде жүргізіліп келеді және алдағы уақытта да күшейтіледі», – деді басқарма өкілдері.
Еске салсақ, Алматыда заңсыз салынған автокөлік жуу орны бұзылған еді.