Алматыда жасөспірім 2 жасар баланы көтеріп, жерге лақтырып жіберген - полиция іс қозғады

АЛМАТЫ. KAZINFORM – Алматыда жасөспірімнің әрекеттерінен кішкентай бүлдіршін жарақат алды.

Аталған дерек бойынша Әуезов аудандық полиция басқармасы қылмыстық іс қозғады.

– Қазіргі уақытта оқиғаның барлық мән-жайын анықтауға бағытталған тергеу шаралары жүргізіліп жатыр. Сонымен қатар жасөспірімді тәрбиелеу бойынша міндеттерін тиісінше орындамағаны үшін оның ата-анасы жауапкершілікке тартылды, - деп хабарлады қалалық полиция департаменті.

Еске салайық, Алматыда жастар арасында жанжал болып, бірінен Калашников автоматы тәркіленді.