АЛМАТЫ. KAZINFORM — Қазақстан хоккей федерациясы сейсмологиялық жағдайға байланысты Алматыда Eurasia Jastar Cup турнирін өткізбеу жөнінде шешім шығарды.
«Сеймологиялық жағдайға, сондай-ақ, қатысушы-командалар мен көрермен қауіпсіздігін қамтамасыз ету мақсатында Қазақстанның хоккей федерациясы басшылығы 1-4 ақпан аралығында Алматыда өтеді деп жоспарланған Eurasia Jastar Cup турнирін өткізбеу жөнінде шешім қабылдады» — делінеді Қазақстан хоккей федерациясы таратқан хабарламада.
Федерация сондай-ақ турнир ауысатын басқа мерзім жөнінде қосымша хабарланатынын және барлық жанкүйерге сатып алған билетінің құны қайтарылатынын хабарлады.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.