Әлеуметтік желіде белгісіз жарылыстан кейін тұрғын үй кешенінің аумағындағы жағдайдың бейнежазбасы тарады.
Алматы әкімдігінің мәліметінше, Қаппаров көшесінде орналасқан үш қабатты тұрғын үйде газ-ауа қоспасы жарылған. Алайда өрт болмаған.
- Алдын ала мәліметтер бойынша жарылысқа табиғи газдың тарауы себеп болуы мүмкін, - деп хабарлады әкімдіктен.
Оқиға салдарынан екі кәмелетке толмаған бала жеңіл жарақат алған. Дәрігерлер тексеріп, қажетті медициналық көмек көрсеткеннен кейін олар үйлеріне жіберілді, ауруханаға жатқызу қажет болмады.
- Қазіргі уақытта жауапты қызметтер оқиғаның себептері мен мән-жайын анықтап жатыр, - делінген әкімдік жауабында.
Еске салайық, бұған дейін Көкшетауда пәтерде газ жарылып, 91 жастағы қария құтқарылған болатын.