Кездесуде жас сарапшылар АЭС салудың еліміз үшін маңызды қадам екенін атап өтіп, жобаны қолдайтындарын білдірді. Олардың айтуынша, атом энергиясы Қазақстанның энергетикалық тәуелсіздігін нығайтып, тұрақты даму жолында маңызды рөл атқарады. Сонымен қатар жастар АЭС-тің тек энергия көзі ғана емес, елдің экономикалық дамуы мен жастарды жұмыспен қамтитын жоба екенін айтты.
«АЭС құрылысы көптеген жаңа жұмыс орнын ашып, жоғары технологиялық салаларды, соның ішінде ғылым мен инженерияны дамытуға мүмкіндік береді. Бұл жас буынға үлкен мүмкіндіктер сыйлайды. Болашақта олардың кәсіби өсуіне және жаңа дағдыларды игеруіне жол ашады», - деді жа белсенді Маханбет Бауыржан.
Кездесу соңында қатысушылар АЭС салу Қазақстанның энергетикалық тәуелсіздігіне, экономикалық тұрақтылығына және экологиялық қауіпсіздігіне апаратын маңызды қадам деген ортақ пікірге келді.
Әуезов ауданындағы комьюнити орталығында өткен жиын АЭС салудың болашағын талқылаумен қатар, еліміздің тұрақты дамуына атсалысатын жаңа буын мамандарының қалыптасуына ықпал ететін маңызды оқиға болды.