Алматылықтар Тәуелсіздік монументіне гүл шоқтарын қойды

Фото: Алматы әкімдігі

АЛМАТЫ. KAZINFORM – Алматы әкімі Ерболат Досаев бастаған қала жұртшылығы Тәуелсіздік монументіне гүл шоқтарын қойды.

Фото: Алматы әкімдігі

Тәуелсіздік монументі алдындағы салтанатты шараға қала тұрғындары, ардагерлер, қоғамдық ұйымдар мен этномәдени бірлестіктердің өкілдері, 1986 жылы желтоқсан оқиғасына қатысушылар қатысты.

Іс-шараға қатысушылар мемлекеттің тәуелсіздігі жолында өз өмірін қиған азаматтарды 1 минут үнсіздікпен еске алды.

Фото: Алматы әкімдігі

Салтанатты рәсім Алматы өңірлік гарнизоны әскери-үрмелі оркестрі және сарбаздарының Қазақстан Республикасы Гимн орындауымен аяқталды.

Айта кетейік, Тәуелсіздік монументі Республика алаңында 1996 жылы 16 желтоқсанда ашылған болатын.

Фото: Алматы әкімдігі

Бүгін Қазақстанның Тәуелсіздігіне 33 жыл толды.