Алматының көктемгі келбеті – фоторепортаж
АЛМАТЫ. KAZINFORM - Алматы көктемде ерекше әсем болады. Қаланың ауасынан жауқазын мен гүлдердің жұпар иісі аңқып тұр. Алматылықтардың көктемгі әдемі көңіл күйі Кazinform тілшісінің фоторепортажында.
Алматыға көктем келіп, ағаштар бүршік жарып жатыр. Өрік, шие, магнолия гүлдеп, айнала жасыл түске боялды. Қала ішінде гүлдердің хош иіс аңқып тұр.
Қала көшелерінде қызғалдақтың түр-түрі отырғызылған. Гүлдердің қауызы сарғылт, қызыл және сары түске боялған.
Алматылықтар бос уақытын табиғат аясында қызықты өткізіп жатыр. Жастар гүлдердің жанында суретке түсіп жатса, балалар асыр салып ойнап жүр.
Жасыл желекке оранған саябақтардың сұлулығын сөзбен суреттеу мүмкін емес. Оны тек көзбен көру керек.
Қалада қазір ауа температурасы шамамен +23 градус.
Синоптиктердің болжауынша, сәуір айының соңында ауа температурасы 30 градусқа дейін көтеріледі.
Көктем - серуендеуге тамаша уақыт.