«Мұхтар Әуезов атындағы театр» метро бекетінде 20 наурыз күні Ықылас Дүкенұлы атындағы музыкалық аспаптар мұражайы қорынан қазақ халқының ұлттық музыкалық аспаптарының фотосуреттері қойылды.
«Байқоңыр» бекетінде қазақ халқының дәстүрлі ойындарына арналған фотосуреттер қойылады. 21 наурыз күні сағат 13:00–де «Сазген Сазы» ансамблі ұлттық аспаптардың үнімен музыкалық шоу көрсетпек.
«Жібек жолы» бекетінде 23 наурыз күні сағат 12:00–де «Жаңа Ғасыр» театры «Алматы Махаббатым» спектаклін қойып, жолаушыларды махаббат тарихы арқылы қаланың ерекше атмосферасына жетелейді.
«Алмалы» станциясында жолаушылар ХХ ғасырдың басындағы қазақ халқының зергерлік әшекейлерінің фотосуреттерімен танысып, ұлттық нақыштағы өнер туындыларын тамашалай алады. 24 наурыз күні сағат 15:00–де көрме «ASU» фольклорлық-этнографиялық ұжымы көрсететін этно-шоу арқылы толықтырылып, жолаушыларға мерекелік көңіл-күй сыйламақ.
«Сарыарқа» бекетіндегі фотожоба 1980-ші жылдардың соңы мен 1990-шы жылдардың басында Наурыз мерекесі Алматыда қалай тойланғанын көрсетеді. 25 наурыз күні сағат 15:00–де «Алматы Махаббатым» спектаклі тағы да қойылады.
Еске салайық, бұған дейін Алматыда Наурыз қалай тойланатынын жазғанбыз.
Сондай-ақ Алматыда Наурыз мерекесіне байланысты бірнеше көше уақытша жабылатынын жазған едік.