НҰР-СҰЛТАН. ҚазАқпарат - ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаменті «ҚТЖ - Жүк тасымалы» АҚ филиалының Алматы бөлімшесі «Алматы-1» стансасы басшысының пара алу фактісін анықтады, деп хабарлайды ҚазАқпарат сыбайлас жемқорлыққа қарсы күрес қызметіне сілтеме жасап.
«Ол кедергісіз тексеру мен жалға алынған контейнерлерді қайтару үшін жеке компания өкілінен 370 мың теңге сомасындағы параны делдал арқылы алды деген күдікке ілінді. Кінәні толық мойындауына байланысты күдіктілерді процессуалды ұстау шарасы қолданылмады. Тергеу амалдары жалғасуда», - делінген хабарламада.
Күдіктілердің айыптылық деңгейін анықтай отырып, оларға қатысты соңғы шешімді сот шығарады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.