Бұл туралы Көліктегі Ішкі істер департаменті баспасөз қызметінен хабарлады.
Ведомство хабарлағандай, 18 мамыр күні таңертеңгілік уақытта шұғыл іздестіру шаралары нәтижесінде Көліктегі ІІД-нің есірткі бизнесімен күрес басқармасының қызметкерлері Алматы-1 вокзалында екі ер азаматты қолға түсірді. Тергеу кезінде анықталғандай, олар Қырғызстан Республикасының 1962 және 1975 жылы туылған азаматтары екендігі анықталды.
Баспасөз қызметі таратқан ақпарат бойынша, күдіктілерден 242,14 грамм есірткі заты - «героин» тәркіленген.
Аталмыш заң бұзушылық дерегі бойынша қазіргі таңда қылмыстық іс қозғалып, қылмыскерлер уақытша ұстау орынына қамалған.
Көліктегі ІІД-нің баспасөз қызметі мәлім еткендей, жыл басынан бері есірткі бизнесімен күрес басқармасының тәртіп сақшылары жалпы салмағы 11 килограмм 434 грамм «героин» тәркілеген.