Алматы әуежайын «миналаған» адамдар мойындау түсініктерін берді - Бас көлік прокуратурасы
2013 жылдың 19 қаңтарында сағат 16:00 шамасында Алматы қалалық әуежайына оның миналанғаны, жарылыс 20 қаңтар күні сағат 12:00-де болатыны туралы ақпарат келіп түсті.
Жалған хабарламаның салдарынан әуежайдың қалыпты жұмысы бұзылып, ішінде 715 жолаушы болған 10 рейстің ұшуы және ішінде 556 жолаушы отырған 7 әуе кемесінің қонуы кешіктірілді.
Бірлескен шараларды өткізу барысында жарылғыш заттар табылмады, әуежайдың жұмысы 19 қаңтар күні сағат 18:30-да қайта жанданды.
Лаңкестік актісі туралы көрінеу жалған хабар тарату факті бойынша ҚК-тің 242 бабымен қылмыстық іс қозғалды.
Жедел-іздеу шараларының барысында телефон арқылы хабарласқан адамдардың есімдері анықталды. Күдіктілер мойындау түсініктерін берді, ұялы телефонның SIM-картасы тәркіленді. Қазіргі уақытта қылмыстық істі Семей қалалық ІІБ тергеуде.