АЛМАТЫ. ҚазАқпарат - Алматы аялдамаларына QR-коды бар жарнамалар орналастырылған. Сол арқылы «Қытай халық банкінің криптовалюта биржасы» парақшасы ашылады, - деп хабарлайды ҚазАқпарат тілшісі.
Алматы қалалық жоспарлау және урбанистика басқармасының мәліметінше, жапсырылған хабарландырулар тіркелмеген әрі рұқсат етілмеген жарнама болып саналады.
«Алматы аялдамаларына QR-коды бар жарнамалар орналастырылған. Сол арқылы «ҚХБ-нің криптовалюта биржасы» парақшасы ашылады. Басқарма қызметкерлері барлық заңсыз жарнаманы алып тастады»,- деп хабарлады ведомствадан.
Басқарма өкілдерінің айтуынша, аталған деректі Бостандық ауданының полиция басқармасы тексеріп жатыр.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.