Алматы FISU жалауын Красноярскіге табыс етті
20:24, 08 Ақпан 2017
АЛМАТЫ. ҚазАқпарат - Алматы қаласының әкімі Бауыржан Байбек Халықаралық студенттік спорт федерациясының жалауын Красноярск қаласының мэрі Эдхам Акбулатовқа табыс етті, деп хабарлайды ҚазАқпарат тілшісі.
«Келесі Универсиада Ресейде өтеді. Біз Красноярск делегациясының келгеніне қуаныштымыз. Универсиаданың арқасында біз достасып кетті. Краснорскіге келесі Универсиаданы сәтті өткізуге тілекшіміз. Алматы Красноярскіге дайындық шарасына көмектесуге әзір», - деді Бауыржан Байбек.
Осыдан кейін, Алматы әкімі Алматы FISU жалауын Красноярскіге табыс етті.
«Алматының қонақжайлылығы үшін алғыс айтамын. Алматы қар барысы сынды күшті, атақты Алматы апорты сынды жас. Келесі Универсиадаға дейін біздің арамызда 752 күн тұр. Краснояркіде кездескенше», - деді Э. Акбулатов.