Шараны қалалық Жол полициясы басқармасы «Нұр Отан» ХДП Алматы қалалық филиалымен бірлесіп өткізгелі отыр. Ондағы мақсат, құқық қорғаушылар имиджін көтеру мен тұрғындардың сенімділіктерін арттыруға бағытталған.
Шара барысында «Жолда қабылдау - Приемная на дороге» деген жазуы бар 7 жолаушы көлігі қаланы аралайтын болады. Ол көліктерде жол полициясы басқармасының білікті мамандары азаматтардың Алматы қалалық ІІД ЖПБ-на қатысты сұрақтарына жауап береді.
Қаланың әр ауданы бойынша 7 жолаушылар көлігі тұратын нақты орындары:
Әуезов ауданы - Абай даңғылы «Магнум» сауда орталығы,
Алатау ауданы - Рысқұлов даңғылы ХҚК аудандық орталығы,
Алмалы ауданы - Төле би көшесі «Тастақ» базары,
Бостандық ауданы - Тимирязев көшесі «Атакент» көрме орталығы,
Жетісу ауданы - «Алматы-2» вокзалы алаңы,
Медеу ауданы - Жібек-жолы көшесі «Береке» базары (Көк базар),
Түркісіб ауданы - «Алматы-1» вокзалы алаңы.
Аталмыш шара өз жұмысын осы айдың 14-і күні сағат 10:30-да бастайды.