29 наурыз күні Жамбыл облысының Луговая стансасында жедел-іздестіру шараларын жүргізу кезінде көлік полициясының қызметкерлері Алматы қаласының тұрғыны - 30 жасар азаматшаны құрықтады. Жеке тінту кезінде одан салмағы 2 келі 200 грамм болатын героин есірткісі табылды.
Ұсталған азаматшаға қатысты қылмыстық іс қозғалды, енді оны дүние-мүлкін тәркілеу мен үш жылдан жеті жылға дейін бас бостандығынан айырылу жазасы күтіп тұр. Ұсталған азаматша уақытша ұстау оқшаулағышына қамалды.