Алматы қаласының құқық қорғау органдары автокөлік салонынан қол гранатасын тауып алды

АСТАНА. 20 қаңтар. ҚазАқпарат - Алматы қаласының құқық қорғау органдары шұғыл-тергеу амалдарын жүргізу барысында «Тойота-Прадо» автокөлігінің салонынан жаяу әскерлерге қарсы қолданылатын Ф-1 қол гранатасын тауып алды.

Төтенше жағдай орнына дереу шұғыл әрекет ету қызметі шақырылып, граната жойылу үшін «Арлан» қызметімен алынды.