Алматы қаласының ТЖД қала тұрғындары мен туристерден таулы аумақтарға саяхаттамауды сұрауда
21:15, 06 Сәуір 2012
АЛМАТЫ. 6 сәуір. ҚазАқпарат - ҚР ТЖМ Алматы қаласының төтенше жағдайлар департаменті «Қазгидромет» РМК-ның қар көшкіні жағдайы туралы бүгін таратқан хабарламасына назар аудартады.
Алматы мен Оңтүстік Қазақстан облыстарының таулы аумақтарының бөктерлерінде күннің жылынуы мен қар жамылғысының тұрақсыз болуына байланысты 6-9 сәуір күндері аралығында қар көшкіні қаупі сақталады.
Қар көшкіні болуы мүмкін таудың қарлы аймақтарына шығудан бас тарқан жөн. Төтенше жағдайлар болған немесе оның қаупі туындаған жағдайда Алматы қаласы бойынша ТЖД-ның Бірыңғай кезекшілік-диспетчерлік қызметіне 274 22 19, 101, 112, 109 нөмірлері бойынша хабарласуға болады.