Оның сөзіне қарағанда, «СКАТ» әуе компаниясына қарасты CRJ-200 ұшағының апатқа ұшырауының себептерін тергеу бойынша комиссия адами фактор нұсқасына мән беруде. Сонымен қатар вице-министр аталған оқиғаны тергеу амалдарының аяқталуға жақындағанын атап өтті. Әуе апатын тексеріп жүрген сарапшылардың келесі отырысы осы ақпан айында өтеді. Осыдан кейін комиссияның соңғы отырысы ұйымдастырылады.
Естеріңізге сала кетейік, CRJ-200 ұшағы 2013 жылдың 29 қаңтарында Алматы әуежайына қонуға бағыт алғанда апатқа ұшыраған. Оның салдарынан 21 адам - 16 жолаушы мен 5 экипаж мүшесі қаза болды.