Әкімдік қаулысы бүгін Қазақстан Республикасының электронды үкіметі порталында жарияланды.
Қаулыда қаладағы қоғамдық көлік тасымалдауларында жол ақысының дифференциалды тарифін енгізу туралы айтылған.
Айта кету керек, бұған дейін қоғамдық көліктер - автобус, троллейбустардағы жолақы құнының қымбаттайтыны жайлы айтылған болатын.
Алматы әкімдігі «ҚР Автомобиль көлігі туралы» Заңының 1-бабы 2-бөліміне сәйкес қоғамдық көліктегі көлеңкелі айналымды жою әрі электрондық төлем түрін дамыту мақсатында осындай қаулы шығарған.
Енді қоғамдық көліктегі (метроны қосқанда) жол ақысы электрондық төлем арқылы - 80 теңге көлемінде, ал қолма-қол ақша берген жағдайда 150 теңге болады.
Әзірге бұл қаулы 13 шілдеге дейін қоғамдық талқылауда болады.
Қаулы әділет органдарында мемлекеттік тіркеуден өткен соң 10 күннен кейін заңды күшіне енеді.