Соның ішінде Талдықорған қаласында 5 жағдай, Алакөл және Жамбыл аудандарында 4 жағдайдан, Қапшағай қаласында – 3, Панфилов, Сарқан, Талғар және Ұйғыр аудандарында 2 жағдайдан, Балқаш, Еңбекшіқазақ, Іле, Қарасай, Кербұлақ және Көксу аудандарында бір жағдайдан тіркелді.
Сондай-ақ өткен тәулікте 48 адам емделіп шықты. Өңір «жасыл» аймақта.
«9 желтоқсандағы жағдай бойынша өңірде 593 адам стационарлық ем қабылдауда. Бір тәулікте ауруханаларға 48 адам түсті. Өңір ауруханаларындағы төсек-орын – 1790. Төсек-орын жүктемесі – 33,1 %. Соңғы үш күнде 6799 адамның коронавирусқа сынамасы зертханаларда тексерілді»,- делінген Алматы облыстық санитариялық-эпидемиологиялық бақылау департаментінің баспасөз қызметі таратқан хабарламада.
Алматы облысы бойынша коронавирусқа қарсы вакцинаның бірінші компонентін алғандар саны – 880 820. Ал екінші компонентті 802 811 тұрғын салдырды.