Естеріңізге сала кетейік, аталған түрмеде жазасын өтеп жатқан аяғы ауыр 22 жастағы келіншектен коронавирус анықталған болатын.
«Әйел босануға дайындалып жүргендіктен, сондай-ақ тексерілуге бірнеше рет барған аудандық аурухана кейіннен карантинге жабылуына байланысты одан анализ бірнеше рет алынды. Кеше оған коронавирус инфекциясына талдау қайта жасалды. Ол теріс нәтиже көрсетті. Covid-19-ға тест сондай-ақ онымен байланыста болған жазасын өтеушілерге және мекеме қызметкерлеріне, жалпы 67 адамға жасалды. Барлығында нәтиже теріс болды», - делінген polisia.kz сайтында.
Бұған дейін хабарлағанымыздай, инфекция анықталғанға дейін аяғы ауыр келіншек түзеу мекемесінің медициналық бөлімінде өзге науқастардан оқшауландырылған. Онда коронавирус індетіне тән белгілер байқалмаған.
Колонияда дезинфекция шаралары жүргізілді.