Алматы облысында болған жер сілкінісінен Шыңжаңда 20 мың адам зардап шекті
деп хабарлады «Синьхуа» агенттігі.
Келіп түскен ақпаратқа қарағанда, әсіресе ҚХР-дің Іле-Қазақ автономды облыстарындағы аудандар және Шыңжаң-Ұйғыр автономды өлкесіндегі Ақсу округтері қатты зардап шекті. Зілзаланың салдарынан 5681 үй қирады, 20421 адам зардап шекті, 78 тұрғын үйдің 216 пәтері толығымен қирады.
Шыңжаң билік өкілдерінің мәліметтеріне сәйкес, зілзаланың салдарынан ШҰАӨ Іле-Қазақ автономды облысының Чжаосу уезінің тұрғындары зардап шекті. Бұл жерде 4062 үй зақымданды, 14217 адам зардап шекті. 93 тұрғын үйден 379 бала қауіпсіз аймаққа көшірілді. 4255 пәтерге зақым келтірілді, оның 202-і толығымен қирады. Бүгін, 30 қаңтарда табиғи апатқа байланысты жүрек талмасына ұшыраған бір адам көз жұмды.
Естеріңізге сала кетейік, қытайлық сейсмологиялық орталықтың мәліметтеріне сәйкес зілзала ошағы Алматы облысының аумағында 20 шақырымдық тереңдікте орналасты.
Алғашқы 6,1 балдық қуатты жерасты дүмпуі 29 қаңтарда Бейжің уақыты бойынша сағат 00.38-де сезілді. Кейін бейжіңдік уақыт бойынша сағат 00.46-да 3,4 балдық күшпен 13 метр тереңдікте екінші жерасты дүмпуі байқалды. 19 минуттан кейін 3 балдық күшпен төрт жерасты дүмпуі сезілді.