Ведомствоның атап өтуінше, өртті сөндіруге Кеген орман мекемесінің қызметкерлері мен техникасы, сондай-ақ жергілікті тұрғындар тартылған. Қазіргі таңда өрт сөндіруге 50 адам, 2 өрт сөндіру машинасы, 8 жеңіл автокөлік пен «Қазавиаорманшарқорғау» РМҚК тікұшағы жұмылдырылуда. Оттың таралуына жол бермеу шаралары қабылдануда.
«11 қыркүйекте сағат 15.30-да Ақмола облысының Кеңес орман мекемесінің Құзған орманшылығында орман өрті орын алды, оның таралу аумағы шамамен 50 гектарды құрайды», - делінген ведомство ақпаратында.
Өртті сөндіруге Кеңес орман мекемесінің қызметкерлері мен техникасы, Ақкөл ауданының өрт сөндіру бөлімшесі, сондай-ақ жергілікті адамдар жұмылдырылуда. Өртті сөндіруге 40 адам, 4 өрт сөндіру машиналары, 2 трактор және «Қазавиаорманшарқорғау» РМҚК тікұшағы тартылған. Қазіргі таңда отты сөндіруге қосымша күш пен қаражат жұмылдыру жөнінде шаралар қабылдануда.