Махаббат Сәдуақасұлы Бигелдиев 1961 жылдың 22 наурызында Алматы облысының Жамбыл ауданындағы Қарақастек ауылында дүниеге келді.
1978 жылы В. И. Ленин атындағы Куртинорта мектебін бітірді.
Өзінің еңбек жолын 1978-1981 жылдары Куртин АІІБ-де жұмысшы болып бастап, Т. Бокин атындағы совхозда құрылысшы болып жұмыс жасады. 1981-1986 жылдары инженер-құрылысшы мамандығы бойынша Алматы архитектуралық-құрылыс институтында білім алды.
2001 жылдан бастап Талғар ауданы Нұра ауылдық округінің әкімі болды. 2002 жылдан бастап Талғар ауданы Тұздыбастау ауылдық округінің әкімі қызметін атқарды. 2005-2007 жылдары Жамбыл ауданы әкімінің орынбасары, кейін Қарасай ауданы әкімінің орынбасары болды. 2009 жылдың мамыр айынан бастап облыстық архитектуралық-құрылыс бақылау басқарамасының басшысы, сол жылдың қыркүйек айынан Жамбыл ауданының әкімі қызметін атқарды. 2011 жылы Талдықорған қаласының әкімі қызметіне тағайындалды. Осы лауазымға тағайындалмас бұрын Алматы облысы әкімінің орынбасары қызметін атқарды.