Алматы облысындағы 6.1 балдық жер сілкінісінен кейін магнитудасы 4 баллдан жоғары 9 афтершок болды

АЛМАТЫ. 29 қаңтар. ҚазАқпарат - Қазақ ұлттық деректер орталығының мәліметіне қарағанда, кеше Гринвич уақыты бойынша 16.38:52-де (Астана уақыты бойынша 22.38) Алматыдан шығысқа қарай 243 шақырым жерде Нарынқол ауылы маңында жер сілкінісі болды.

Эпицентр координаты: 42.64 градус солтүстік ендік, 79.76 градус шығыс бойлық. Энергетикалық сыныбы - 15.3. Тереңдігі = 10 шақырым, магнитудасы Mw = 6.1. Алматы қаласында бұл сілкіністің әсерінің күші 4-5 балл болды. Одан кейін Гринвич уақыты бойынша 17:09, 17:12, 17:31, 18:49. 19:11, 19:47. 20:37, 20:40 және 23:49-да күші 4 баллдан жоғары 9 афтершок тіркелді. Онда 4.2 және 4.4 баллдық тербеліс бір-бірден, 4.3 пен 4.5 баллдықтан екі, ал 4.8 баллдықтан үш рет болған.