Алматы облысындағы өзендер деңгейі көтерілуі мүмкін - ТЖД
07:48, 20 Сәуір 2019
ТАЛДЫҚОРҒАН.ҚазАқпарат - Алматы облыстық Төтенше жағдайлар департаменті алдағы күндері жауын-шашынды болатынын ескертеді, - деп хабарлайды ҚазАқпарат тілшісі.
«Қазгидромет» ӨМК сәуірдің 20-22 күндері кей жерлерде қатты нөсер жауатынын болжауда. Осыған байланысты өзен сулары деңгейінен көтерілуі мүмкін», - делінген ведомствоның таратқан ақпаратында.
Ескерту хабарламалар тұрғындарға СМС арқылы да жолдануда. Мамандар тұрғындарды абай болуға шақырады.