Алматы облысының әкімі ардагерлермен жүздесті
Шараға саналы ғұмырын облыстың әлеуметтік-экономикалық дамуына арнаған азаматтар қатысты, деп хабарлайды ҚазАқпарат тілшісі.
Алматы болған кездесуде облыс әкімі А. Баталов өңірде Тәуелсіздіктің 25 жылдығы шеңберінде өткізілген шараларға, «25 жұлдызды күн» аясында атқарылған істерге, 2016 жылы өңірдің жеткен жетістіктеріне тоқталды.
«Құрметті ардагерлер! Біздің тірегіміз де, мақтанышымыз да - Сіздер. Сіздермен кездесіп, әңгімелесу біз асыға күтетін ерекше оқиға. Сіздердің елжандылықтарыңыз, өмірлік ұстанымдарыңыз, көп жылдық тәжірибелеріңіз еліміздің, оның ішінде облысымыздың өркендеуіне әлі де қызмет ететініне сенімдімін. Жаңа 2017 жылмен шын жүректен құттықтап, Сіздерге мықты денсаулық, ұзақ ғұмыр, отбасыларыңызға бақ-береке тілеймін», - дей келе облыс әкімі А. Баталов ардагерлерге естелік сыйлықтар табыс етті.
Өз кезегінде ардагерлер облыста атқарылып жатқан жұмыстар туралы пікір алмасып, өз ұсыныстары мен тілектерін білдірді.