Алматы облысының табиғатты қорғау полициясы 90-нан астам адамды жауапкершілікке тартты
14:49, 21 Наурыз 2013
ТАЛДЫҚОРҒАН. 21 наурыз. ҚазАқпарат - Алматы облысының аумағында «Табиғат» алдын алу іс-шараларының барысында полиция қызметкерлері жүз бір экологиялық құқық бұзушылықты анықтады.
Бұл шара облыс аумағында заңсыз аңшылық ету, су жануарларын аулау, орманды кесу және ұрлау, биологиялық ресурстарды тасу сияқты фактілерді анықтау мақсатында табиғатты қорғау полициясы желісі бойынша жүргізіледі.
Әкімшілік жауапкершілікке 90 адам тартылды, олардан 5 текше метр заңсыз дайындалған ағаш, құқық бұзу жүргізу мақсатындағы 17 қару, 25 оқ атылатын аңшылық қаруы қайтарылып алынды.
Құқық бұзушыларға 150 589 теңге сомасында айыппұл салынып, 25 965 теңге өндірілді.