АЛМАТЫ. ҚазАқпарат – Синоптиктердің болжамы бойынша, Алматыда 27-28 тамыз аралығында нөсер жаңбыр жауады. Соның салдарынан өзендер арнасынан тасуы мүмкін, деп хабарлайды ҚазАқпарат тілшісі.
Алматы қалалық Төтенше жағдайлар департаменті Қазгидрометке сілтеме жасап ауа райына қатысты дауылды ескерту жариялады.
«27-28 тамыз аралығында Алматы қаласының іргелес аумақтарына нөсер жаңбырдың жауады деген болжамға байланысты, су деңгейлерінің көтерілуі және тау бөктерінен келетін су ағыны қалыптасуы мүмкін», - делінген Алматы қалалық Төтенше жағдайлар департаменті таратқан хабарламада.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.