АЛМАТЫ. ҚазАқпарат - Алматы қаласы Бостандық ауданында әйелдерді соңынан аңдып, оларға тиісіп жүрген ер адамды полиция іздестіріп жатыр, деп хабарлайды ҚазАқпарат тілшісі.
Ол жігіттің видеосы желіде тарады.
«Жас жігіт Бостандық ауданында әйелдерді аңдып жүріп, олардың ұятты жеріне тиісіп шабуылдап жүр. Мына видеода ол подъезд алдындағы талдардың арасына тығылып, бір қызды аңдыған, подъезге бірге кірген соң лифтіде қызға шабуыл жасаған. Қыз оны теуіп жіберген соң жігіт тез қашып кеткен», - делінеді видеодағы жазбада.
Алматы қалалық полиция департаменті оқиға бойынша Бостандық ауданының полиция басқармасы ҚР заңнамасына сәйкес тексеріс бастағанын хабарлады.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.