АЛМАТЫ. ҚазАқпарат - Алматыдағы сауда орталықтарының бірінде болған төбелестің видеосы әлеуметтік желіде тарады. Полиция департаменті оқиғаға қатысты түсініктеме берді, деп хабарлайды ҚазАқпарат тілшісі.
Видео кадрларынан төбелестің балалар ойын алаңында болғанын байқауға болады.
Төбелескендерді полиция қызметкерлері мен ер адамдар ажыратуға тырысып жатыр.
Алматы қалалық полиция департаментінің баспасөз қызметі бейнежазбаның тексерілгендігін хабарлады.
«Бұл дерек ҚР ӘҚБтК 73-бабы «Денсаулыққа қасақана жеңіл зиян келтіру» бойынша тіркелді» деп хабарлады ведомстводан.
Еске сала кетейік, бұған дейін Алматыда ер адам дезинфекция жасап жүрген жұмысшыға пышақ ала жүгірген болатын.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.