Соттың анықтағанындай, 2015 жылы ақпан айында К. Н. жәбірленушіге «жер алып беремін», - деген уәдемен 11 мың АҚШ долларын қалтаға басқан. Алайда өз уәдесін орындамаған. Осылайша, жәбірленушіге 2 млн-нан астам теңге залал келтірген. Сол жылы маусым айында К. Н. осындай жолмен тағы бір жәбірленушінің ақшасын алып алады. Оған келтірілген залал - 1 миллион теңгені құрады.
«Сотта К. Н. өз кінәсін толық мойындап, өкінішін білдірді. Дейтұрғанмен сот үкімі бойынша ол ҚР Қылмыстық кодексінің 190-бабы, 3-ші тармағының бірінші бөлімінде және 58-баптың 6-шы тармағының үшінші бөлімінде қарастырылған қылмыстарды жасағандығы үшін 4 жылға бас бостандығынан айрылды. Енді жазасын жалпы режімдегі түзету колониясында өтейтін болады. Сондай-ақ, сот оның мүліктерін тәркіледі», - делінген хабарламада.