АЛМАТЫ. ҚазАқпарат – Қала әкімі Бақытжан Сағынтаев Алматыдағы Тәжікстанның Бас консулы Баходур Назирді қабылдады, олар сауда-экономикалық және ғылыми-техникалық қатынастар перспективаларын кеңейту мәселелерін талқылады, деп хабарлайды ҚазАқпарат тілшісі.
Бақытжан Сағынтаев дипломат көтерген мәселелер қарастырылатынын және «Алматы» әлеуметтік-кәсіпкерлік корпорация арқылы жүзеге асыруға ұсынылатынын атап өтті. Біріккен жобаларды орындау үшін қаланың кәсіпкерлері шақырылатын болады.
Кездесу барысында, Баходур Назир басты бағыттардың бірі ретінде Алматыға ауылшаруашылық өнімдерін жеткізуді қарастыруды ұсынды.
Бұған қоса, тараптар мәдениет саласында да өзара іс-қимылдың қажет екендігіне назар аударды. Алматылық шығармашылық ұжымдар Душанбеде, ал тәжіктер Алматыда өнер көрсететін болды.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.