НҰР-СҰЛТАН. ҚазАқпарат – Алматы ITF W25 турнирінің финалына шыққан теннисшілер анықталды, деп хабарлайды ҚазАқпарат тілшісі.
Әлемнің 484-інші, осы жарыстың 6-ракеткасы Жібек Құламбаева жартылай финалда Беларусь өкілі Дарья Хомутянскаямен шеберлік байқасты.
Қазақстандық теннисші 6:2, 6:4 есебімен жеңіске жетті.
Екінші жартылай финалда ресейлік Екатерина Маклакова отандасы Амина Аншбаны 6:4, 0:6, 6:4 есебімен тізе бүктірді.
Осылайша, финалда Ж.Құламбаева мен Е.Маклакова бас жүлдені сарапқа салады.
Жібек сондай-ақ жұптық сында да финалдық кездесуін өткізеді.
Тағы бір қазақстандық Бейбіт Жукаев Таиландта челленджер турнирінің финалына шыға алмай қалды. Ол жартылай финалда франциялық Артур Казоға есе жіберді – 1:6, 6:7 (6:8).
Еске сала кетейік, бұдан бұрын АҚШ ашық чемпионатында қазақстандық қос жасөспірімнің іріктеу жарысының финалына шыққанын жазған болатынбыз.
Сондай-ақ Анна Данилина АҚШ ашық чемпионатының үшінші айналымына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).