Алматы әкімі орынбасарының пікірінше, қазір вакцинация үшін ең қолайлы сәт, қала тұрғындарының көпшілігі демалыстан оралды, мектеп сыныптары мен жоғары оқу орындарының аудиториялары толтырылды. Қала толыққанды жұмыс режиміне оралды. Вакцинация індеттің қайта өршуіне жол бермейді.
Бүгінде Алматыда вакцинация жүргізу үшін медициналық ұйымдарда, мектептерде, мәдениет, спорт объектілерінде, базарларда және қаланың сауда, ойын-сауық орталықтарында 250 егу пункті дайын. Оның ішінде 160 пункт жұмыс істейді, құрамында 1028 медицина қызметкері бар 237 егу бригадасы жұмыс істейді.
Е.Бабақұмаров ақпан айында вакцинацияның бірінші кезеңі аясында медицина қызметкерлері, оқытушылар мен құқық қорғау органдарының қызметкерлері, барлығы 3 мыңнан астам адам вакцина алғанын еске салды.
«Сәуір айынан бастап халықты вакциналауға кірістік. Бастапқыда Алматының ресми тіркелген 2 млн тұрғынының 1,2 миллионға жуығын егу міндеті тұрды.
Бірінші кезеңде 2 миллионнан астам тұрғынның арасынан 18 жасқа дейінгі 602 мың баланы, 20551 жүкті әйелді, медициналық қарсы көрсетілімі бар 173 мың азаматты қоспағанда, 1 090 103 адамды вакциналау міндеті тұрды»,- деді ол.
Бүгінгі таңда КВИ-ге қарсы егудің бірінші компонентін вакциналауға жататын 960 мыңнан астам адам алды, бұл – 77% құрайды, ал екінші компонентті 873 мыңнан астам тұрғын салды.
«Pfizer вакцинасының алдағы түсуін ескере отырып, вакцинацияға жататын халықтың саны 1,3 млн адамды құрайды, оның ішінде 12-17 жастағы жасөспірімдер мен жүкті әйелдер бар. Осылайша, ортақ күш-жігермен 300-400 мыңдық деңгейді еңсереміз деген үміт бар. Жаппай вакциналау жүріп жатқан елдердің тәжірибесіне сәйкес, ахуалды тұрақтандыру үшін халықтың 90% немесе одан да көбін вакциналау қажет»,- деді Алматы әкімінің орынбасары.
«Ұжымдық иммунитет қалаға бұрынғы өмір ырғағына оралуға, әдеттегі өмір салтын қалпына келтіруге және барлық шектеулерден арылуға мүмкіндік береді. Вакцинацияның тиімділігі туралы Алматыда коронавирус инфекциясының төртінші толқыны ұзақтығы бойынша басқа өңірлерге қарағанда екі есе қысқа болғандығымен айтуға болады. Осы кезеңде халық белсенді түрде вакцинацияланды, тәулігіне 10 мыңнан астам адам екпе алды. Бұл халықтың КВИ-ге қарсы иммунитетін қалыптастыруға мүмкіндік берді»,- деді Е. Бабақұмаров.
Вакцинация қарқыны туралы айта келе, әкім орынбасары вакциналанбаған қала тұрғындарының басым көпшілігі ауырып, реанимацияда жатқанын айтты. Стационарларға түскендердің жалпы санының тек 0,03% КВИ-ге қарсы вакцина алған пациенттер құрайды. Бұл факті уақытылы вакцинацияның тиімділігін көрсетеді.
«Вакцина алуға әлі батылы жетпеген алматылықтарды барлық қорқыныш пен күмәнді жойып, екпе салдыруға тағы да шақырамын. Қаланың әрбір тұрғыны азаматтық жауапкершілік пен белсенділік танытуы тиіс», - деді Е. Бабақұмаров.