АЛМАТЫ. ҚазАқпарат - Алматыда референдум учаскесінің комиссия мүшелері соғыс ардагері Филипп Губановтың үйіне барды, деп хабарлайды ҚазАқпарат тілшісі.
Соғыс ардагері Филипп Губанов Жетісу ауданының «Құлагер» шағынауданында тұрады.
Сайлау комиссиясының мүшелері жүз жастағы қала тұрғынының үйіне арнайы барды. 100 жастағы қария дауыс берді.
Бұған дейін Алматының 2 548 тұрғыны үйден дауыс беруге өтініш білдіргенін жазған болатынбыз.
Айта кетейік, Алматыда жалпы халықтық референдумда дауыс беру 574 учаскеде жүріп жатыр.
Мегаполисте 1,1 млн астам адам дауыс беруге құқылы.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.